Plattdeutsch

Inner Schaule 1950 De Kindheit is de schönste Tied, doch eines Dages ist sau wiet, da fangt de Ernst det Lebens an, vorrbie is nu de Kinnerkram, et is sau wunnerschön ewesen, ohne räken, schrieben, lesen. Oh,- wat was dat vorrn Gejaule, de erste Dag da inner Schaule, de Mamas trösten alle düchtig, de Kanter wern noch basch un züchtig. De tweite Dag fung denne an, mit Schewwertafel, Sticken, Swamm, jeder dröffte schöne malen, en Maandgesicht un ok all Tahlen. Dat was en schrapen un gequitsche,...

Inner Schaule am 18.Juni 1946 Et was en Dag wie jede annere, wie seiten inne Klasse an usen Dischen, kippelen mit den Steulen, wat wie ja eigendlich nich dröften, denn dat herr sienen Grund. Use nieen Steule herrn inne Beine Gummiproppen damit se den Fautbotten nich kaputt maken. Kippeln wie aber lange genauch, denne broken de Proppen af un wie mössten de Steule inne Stunne repariern, wobie wie natürlich keinen Unnericht moken bruken. Dat was beter as Büffeln. Ik kann mick nich mehr rechte...

Use Gemüsegoarn Freuer härr’ fast Jedermann, gliks hinnern Hus en lütschen Goarn, da kannste ackern, jäten, planten, for dik un diene Anverwandten. Dat ganze Jahr staht Arbeit an, doa mosste all im Winter ran. Schient de Sunne moal recht schön, wurn de Böme trechte sneen, de Appelboom kreich noch ne Binne, de Beern en Pahl gegen de Winne, de Kerschen ward nur utelicht, de Spelgen blieben meist so dicht. Um den Bodden umtaukehrn, mot er’s de Eere frostfrie wern, damit et später orndlich wasset,...

Dä Pangschenär Biste noch jung un vuller Mucke, bien Rackern blifft nich weg de Spucke, kannst swore Sachen lichte wuppen, wo keine stahet – Böhme utruppen, möchst gern de Steerns von Hewen halen, dast mit din Purre mächtig prahlen, rennst dulle, hille hen un her, bist du noch lang kein Pangschenär. Hast du en Fruensminsche funnen, mit öhr dat Tartjen annefungen, mosst balle noch vor Kinner sorgen, dat Utgift recket nur bet morgen, schaffst dik en Hus un Auto an, un stahst ok süss noch dienen...

De Groten un de lütjen Buern Vor 100 Joahrn da bestund, fast jedet Dörp ut Buern mit Hund, de Kerke stund da midden twüschen, un rund herum Acker mit Wüschen. De groten Buern härn Perd un Woagen, könn’n sik vor Arbeit nich bekloagen, härrn Swiene un noch 15 Keue, dat alles moake recht veel Meue. Um all dat Rackern ok tau schaffen, mössten veele Lüe düchtig raffen, ein Jeder hulp sau gut et ging, de Voader, Mudder un dat Kind, vor all de Lüe uppen Lanne, da wär dat wirklich keine Schanne, wenn...

De Heimatstuf Hänsen In jeden Dörpe gift et schon, ne Heimatstuf mit Traditschon. Da ward esammelt un sortiert, wat alln’s von freuer intressiert, von sworen isern Ruffeliesen, bet hen na Schiebenbeierpriesen, dat Wertiko ut Omas Stuf, staht hüte inne Heimatstuf. Un veele Biller gift tau sein, von jeden einen sien Verein, von de erste Füerwehr, dat Gruppenbild mit Kommandeur, hoch tau Ross de Rüterie, un Kriegers von de Infantrie, Biller wie üsch Gott einst schuf, hänget inne Heimatstuf. Ne...

Dat bettjen Hushalt Dat bettjen Hushalt mokt sik von alleen, segt min Mann, aber dann: As erste upstahn dat use Muttern, sei mot vorlangs de Viecher futtern, denn bott se hille Füer an, damit se Kaffe koken kann, indess makt sei datt Freustück klar, forn Kirl un öhre Kinnerschar, nu is de Köke schöne warm, de Kinner künnt nu ok upstahn, de eine möcht’ wat warmet drinken, de annere en Brot mit Schinken, sei smärt noch Ranken forre Schaule, süss gifft et nu all en Gejaule, ör Mann krigt siene...