schwäbische Mundart

Stroßberger- Bua (A Toil von Bobinga) En Stroßberg kam er auf dia Welt, bekannt war er als Gerd. Ma hot von Eahm no nix verzehlt, it viel hosch von am ghert. Es war domols zur Nochkriegszeit, als Er a kloinr Bua. Gar oft denk i no an Ean heit, horch seine Liadr zua. Dia Musik war sei Leaba, Gitarre hott´r gspielt. Ma konnt´s halt net vrheba, daß ma sein Wunsch erfüllt. Gerd sollte doch schtudiera, des Fach Betriebswirtschaft Er wollt se net blamiera, ond hot se zammagrafft. Doch loßt, Musik...

Aus meinem ersten Buch "Spitzbuaba ond Maulschella", aus dem Jahr 2003, passend in diese schöne Herbstzeit. Dr Rauch flagt bleiern auf am Land, ond graue Fahna ziagan´d. Gloitet wia von Goischterhand, wenn schwarze Schatta fliagan´d. Verdrimsalt ond verstohla- schleichan´d, dia Gschtalta wia Gespenschter. Wias huaschtan ond wias kaichan´d, dort hentar liachte Fenschtr. A Kod´r schleicht do om da Schpriegl, ond jagt mr ei an Schreck. A Raab schlagt bleischwer mit de Fliegl, dr Boale huscht oms...

En Augschburg war vor langr Zeit, a´ Rechtsawalt ganz bsondrscht gscheit. Ja sellmols kommt bei der Kanzlei, a´ Bursch aus Bobinga vorbei. Ond jammrat „es goht om sei Leaba“, an guata Roat soll ma eahm geaba. Weil eahn ma bstellt hot aufs Gericht, gar draurig war deam Bua sei Gsicht. Dr` Advokat so furchtbar gscheit, war zu am guata Roat bereit. An Richter kah ma ganz leicht schnella, du muasch di oifach deppat stella. No schickt ma di auf freien Fuaß, doch vergiss neamols dein Gruaß....

Gang weitr, komm gang zua, loß mi sei ond loß mr mei Ruah. Egal was no kommt, es weard weitrgau, au wenn i mir manchsmol, sell nemme drau. Gang weitr, komm gang zua, loß mi sei ond loß mr mei Ruah. Du brauchsch de om mi, wirkle net sorga, bleibt oh mei Schicksal, em Duschtra verborga. Gang weitr, komm gang zua, loß mi sei ond loß mr mei Ruah. Dees Ganze, weard i oh scho no backa, au wenn i am End em Dreck denn muaß flagga. Gang weitr, komm gang zua, loß mi sei ond loß mr mei Ruah. Bis hait...

En dr Hundsdreck bin i dabbt, der braune Dreck am Absatz babbt. An gstinkat Baatz an fetta Brocka, verschmiert mir meine Schuah ond Socka. Doch deam Scheißdreck hilf i glei, honn a Täschaduach drbei. Heab mein Fuaß butz ab dean Baatz, doch aufoimol duats an Satz. I rutsch aus und fall soglei, hentersche en Hundsdreck nei. An meinr Hos an brauna Fleck, Stenka duats an jedam Eck. ieberal dr Hunsdreck flaggt, jedes Droduar verkackt. Dr Hundehalter moint hat grad, weil er doch Hundesteir zahlt,...

Es isch a´Freid dia Schwobaleit. An jedam Dag zu jedr Zeit. Humor isch dene gar it fremd, so wia ma halt die Schwoba kennt. Ond hauts mi´m Gschpäßle gar it hi, no machts dr Schwob mit Ironie. © Dieter Elmer

Mei Hoimat isch dees greaschte Guat, so wertvoll en meim Leaba. Sie gibt mr Kraft ond sehr viel Muat, ka´s denn ebbs Scheaners geaba. Dia Haisr do em Hoimatstädtle, dia senn mir so vrtraut. I kenn do denna fascht jed´s Mädle, doch d´ Hoimat isch mei Braut. Ganz tiaf isch´s en meim Herzle denna, mei Hoimat khert do na. Wear´s nemme, deat mei Seal vrbrenna, i wear ganz furchtbar dra. Fahr i en d´ weite Welt mol naus, i komm ganz gwieß meah zrick. Weil i net fenda ka do Drauß, a Stickle...

Mundart..... nicht original Mittelschwäbisch aber wia ma en Bobinga schwätzt. Vielleicht verstohts Oinr. Sellmols wars, denk doch mol zruck, so lang isch dees scho her, vom Leaba isch´s a ganz kloins Stuck, doch´s Herzle machts oim schwer. Weil all´s so schnell verganga isch, dia Zeit kahsch it aufhalta, doch isch Erinnerung no frisch, trotz Deine dausat Falta. Schea wars als ma no sorgafrei, nix gwußt von all deam Leaba jetzt packt ma di end Gruab bald nei, Zeit, kaa Dir koiner geaba. Was...