Poesie
Still isch dia Nacht
Still isch´s um mi rum, a´ Ruah en dera Nacht. Stille umadumm, Dunklheit hot´s gmacht. Still a´ sealig Ruah, auf deam Stickle Welt. Mond schaut uns grad zua, drob am Hemmlszelt. Tausad Steara funkla, still am Firmament. Nächtens so em Dunkla, wo ons neamad kennt. Still isch´s en mir denna, griabig ganz besonna. Muaß net allwei renna, A´ Ruah honn i grad gwonna. © Dieter Elmer 2004
- Dieter Elmer
- Bürgerreporter:in
