Fröhliche Weihnachten und ein gesundes Jahr 2008

A blaue Stund

Wenn ma dich fordert wia verruckt,
wenn dich die Pflichtenkreis derdruckt,
wird’s Zeit, dass d’ wieder zu dir kimmst
und dir a Stünderl Freizeit nimmst.

Dann suach dir a verlassens Eckerl,
a menschenleeres, staades Fleckerl
und lass de Umwelt nichtig sei
und lausch nur wortlos in dich nei.
Mach d’ Augen zua, verschliass dei Ohr
und stell dir ganz was Schönes vor:

De Sonn, de hinterm Berg versinkt,
an Juchzer, der am Berg verklingt,
an Abendhimme, dämmerblau,
a Waldwiesen im ersten Tau,
a Rehgoass mit ihrm Kitz im Klee,
am Manod sei Spiaglbuid im See –

Mach’s Herz auf und lass zua dein’ Mund, -
Erleb s’ bewusst, de blaue Stund.
Sie konn dir Kraft und Hoffnung geben,
und du kriagst wieder Freud am Leben!

Leopold Kammerer

Bürgerreporter:in:

Josie Hoffmann aus Aichach

Folgen Sie diesem Profil als Erste/r