27. Dezember 2009, 09:58 Uhr
2.849× gelesen
4

Schneeafläckle, Weißräckle

Bürgerreporter:in

Autor: Dieter Elmer

aus Bobingen

6Bilder

Winter im März 2006 Bobingen /Burgwalden © Dieter Elmer
hochgeladen von Dieter Elmer

Schneeafläckle komm, mach weiß die Welt,
damit dees Weiß dia Nacht erhellt.
Dei Glitzra dort en Wald ond Flur,
fall endle ra en oinr Duar.
An haufa Schneea den hätt i geara,
wann weard jetzt endle Wentr weara.
Weards daura no a langa Zeit,
bis endle dann em März mol schneit?
Kurz vor am Oschtrhas weards sei,
no schneisch ons du gewaltig ei.
Schneeafläckle fall jetzt ra aufs Land,
no leg i ah mei warmes Gwand,
gang nauß ond frei me an dr Pracht,
was fier me earscht an Wentr macht.
Wia gera det i jetzt Schneeaballa,
doch Schneeafläckle, du muasch au falla.
I bitt recht schea komm endle ra,
leg di auf Baim ond Wiesa na.
Doch isch fiar di no it so kalt,
drom isch no grea bei ons dr Wald.
Schneeafläckle es währ net vrkehrt,
breng Kälte mit, dass Wentr weard.