Ein Gedicht für Roswitha Buthe aus Soltau - und alle, die gerne Gedichte lesen.

S'Karusseii

I hob a Karusseii im Kopf,
dees macht aus mir an arma Tropf.
A wenn i bädl* oda bitt:* (........bettel oder bitt)
„Bleib steh und loss mi a no midd!“
S’gibt koa Erbarma und koa Gnad,
do zabbelt a Drehwurm im Denkabbarat.
Sgäd weida, weida, narrisch schneii,
krummbucklige Wörta im Kopfkarusseii.

I merk scho:
Mia foid heid nix Geistreiches ei;
I gä liaba naus und loss dees jetzt sei.
Da Göthe, da Rilke, da Hochwohlgeborn,
warn äha zum Dichtn und Denkn erkorn.
Bei mir head de Sach scho am Vormiddog* auf. (....... (Vormittag)
Da Mo* wui wos z’Essn, und regt se schier auf: (....... Mann)
„Er muaß heid no furt , s’dad eam narrisch* pressiern*“! (.......in Eile)
I schleich mi in Kich*, wui koan Ärga riskiern - (.......Küche)

Doch bläd is des scho:
s’gäd ma wieda vui z’schnäi,... - (........zu schnell)
hock wieda dick drin, in am neien Karusseii!
s’Lebm gibt voll Gas und Koana schreit „HALT“!
Olle Doog* im Kreis – mit sanfta Gewalt. (..........alle Tage)
Ma miassd wieda Kind sei, des dad ma voi* daugn*, (........voll taugen)
i sächad* mei Woiid* mid ganz andre Augn. (.........sähe meine Welt)
Mid’m Liadl auf de Lippn, und s’Heaz volla Freid -
so missad ma Leb’m,
Dass oan schpada* need reid!* (........später nicht reut)

© Heidi K. 3/11

Liebe Roswitha, die schlimmsten Dialektworte habe ich für dich übersetzt und mit *Sternchen* gekennzeichnet Ich hoffe, du verstehst dadurch den Sinn dieses Gedichtes besser. Es bezieht sich auf meinen Antwortkommentar auf meiner "Alm"- Seite. Du verstehst?
Viel Spaß beim Lesen!

LG Heidi