De "staade Zeit" - boarisch aufg'schriem...

Bürgerreporter:in

Autor: Heidi K.

aus Schongau

Bald zünden wir wieder die Kerzen an... die beste Zeit um sich selbst zu besinnen.
hochgeladen von Heidi K.

De staade Zeit.

S’ko need staad wean um mi rum...
s’Lebm draad se wia narrisch
im Kreis ummadum.
Und i drah mi midd.

Grood wars no Summa,
mit Bleamen im Gartn,
scho kimmt da Windda
und d‘Vogerl gen Südn startn.

Oiss richt se ei,
auf a staadare Zeid,
a bormoi no schlaffa,
dann is boid soweit.

In de G’schäfta, auf da Straß,
hintre, bis in d’letschde Gass,
Lichtgirlandn, Tannaduft,
in jedm Eck, a Glühweinluft.

Du kaffschd an Döner,
a Brodwurschd auf d’Hand,
grood schee is,
im Weihnachts - Wunderland!

Beim Rathaus vorn, a Menschng‘wimme,
a Rentier, schtadd an weißn Schimme.
Und middn drin, a oida Moo,
hod bloß a windigs Jobbal oh.

Er hockt am Bodn, als wars no Mai,
sei beschde Zeid, is längschd vorbei.
A Beddla hoid, der arme Seckl!
"Bin obdachlos", stääd auf seim Zeddl.

S’Elend is groß auf unsra Weiid ,
doch olle gengans weida...
s'hod koana z'vui Geiid.

Bürgerreporter:in: