Woher weit dei Star?

Wovääl wicht ein Star?
Letztens heww ick inne Koophall dei fiefunachtzichjöhrige Murrer von mien Schäulerin Dorle drapen.
Ehr Dochter Dorle heww ick noch hüüt in gaude Erinnerung. In dei 4. Klasse vonne Unterstuf ´wüürn dei Singvoegel ass siehr nützlich´ Tiere behannelt. De Kinner kennen all Voegels, dei sei inn´n Gorden seihn un sick doroewer freut harrn.
Sei kennen dei Blaumeis´, dei Amsel, dei Gordenrotschwanz, ook dei lütte Tuunkönich warrt schätzt.
Ook de Star wier bekannt, doch jüst, beleiwt wier hei nich, weil alle Kinner von ehr Öllern, de einen Gorden harrn wüssten, datt sei in groten Scharen oewer de Kirschbööm herfallen dauhn un disse in nullkommanix plünnern. Nich tauletzt wüürn goote Netz ´spannt un okk Vagelschugen upstellt, üm de Deiw´s awtauhollen, Kirschen tau klauen.

Üm nu grad ´disse Kinner tau oewertügen, sä ick: „ All Voegels, dei ji bi uns find´t, sünd nich bloots dörch ehren Gesang beleiwt, sünners, sei sünd in die Gordens von juch Öllern siehr nützlich und wichtich. Koent ji juch vörstellen, datt ttaun Bispill dei Star ann ´n Dach so vääl Raupen un anner Schädlinge fritt, ass hei sülwst wägen deiht?“
All Kinner un ok Dorle oewerlechten. Dorle fröcht denn ganz upgeräächt: „Woher weit oewer dei Star, wo vääl hei wicht?“
Oewer disse klauke Fraach Fraach harr sick mien Liehrerhart besünners freut. Ick heww sei mit mien Wüürd upschräben , un bün säker ook hüüt noch freuen sick Minschen dor oewer.
De Murrer vertellte mi, datt Dorle in ein Rostocker Krankenhuus arbeidt. Sei iss hüüd üm dei föftich Johr ollt un hett sülwst Kinner, denk ick mi so. Ob sei sick noch an ehr Fraach erinnern kann? Ick warr datt ierst weiten, wenn sei mal bi ehr Murrer dissen Bidrach von mi lääst. Ick bün gespannt.