Portugal - Deutschland - oder doch lieber Musik?

- hochgeladen von Luis Walter
Aufspiel'n beim Wirt beim Munding
mit frohem Gesang und toller Wirtshausmusik
oder lieber den Streß der deutschen Elf gegen Portugal
am TiVi verfolgen????
Eine gute Frage heute.........!!!!!!!!!!!!!!!!!!!!!!
Es isch a Zwieschpalt heit,
was isch denn wirklich g’scheit,
wo gad ma geara na,
guckt Fuaßball a.
Eigentlich koi Problem,
beim Munding angehem
weil’s au an Fernseh geit
fer jene Leit.
Weil heit grad Deutschland schpielt
und auf da Titl zielt
hockad dau viele na
und guckad’s a.
Doch mir hand koi Problem
und send net so extrem
weil Musik halt befreit
und net bloß heit.
Ja gega Portugal
isch des Schpiel eh a Qual
das dr Herzkaschper schreit
bei manche Leit.
Dau leabad mir halt g’sond
und des isch au a Grond
dass mir dau hana send
und Musik wend.
Dia schpringad ummanand
weil se oin Ball bloß hand,
und jeder will dean hau,
auf’s Tor zua gau.
An Musik hand mir meah
dia au no schpielad schea,
und es zählt G’miatlichkeit
dau hana heit.
Dia kriagad ja au g’nua
kennad dau schprenga zua,
ja fer dean scheana Loah
soll’n se was doa.
Mir singad halt aus Schpaß
und hebad g’miatlich s’Glas,
hand gar koi Hektik net
bis gad en’s Bett.
Am Schluss g’wennt jeder doch,
ob er nei trifft en’s Loch,
oder dr neaba schiaßt
was net sei miaßt.
Ja an Erfahrung doch
g’wennt er am End nau noch,
gad halt nau ganz alloi
mit viel Geld hoi.
Bei uns duat’s andersch sei,
mit singad eins-zwei-drei
und send recht froh gelaunt
dass jeder schtaunt.
Und mir hand all a freid
und dia ja net bloß heit,
weil d’Musik isch guat drauf
und mir gand auf.........
7 Kommentare