Urlaub ohne Stress

Mit was alles sich manche Wissenschaftler doch beschäftigad. Vielleicht ka ma au mit allem a Doktorarbad schreiba und was eignad sich besser all zum Ergründa wia dr Mensch und seine Interessa. Und grad in de Sommermonate hoißt des eine Thema halt Urlaub und Erholung. Doch dass Urlaubmacha und sich Erhola so schwer isch, des hätt i net denkt.

Zum Oina sait dr andre dass ma mindeschtens 14 Tage Urlaub macha muass bevor sich dr Körper regeneriert, alles drunter dät gar nix bringa. A anderer wieder sait dass scho drei Urlaubstage em Körper guat deant. Fünf wärad besser und nach sechs wär dr Erholungswert scho erreicht. Doch der Erholungswert wächst schtändig mit, Tag für Tag.

Urlaub ohne Schtress, des hoißt letschten Endes au, je zufriedener jemand mit sei’m Urlaub isch desto höher isch dr Erholungswert. Und hier sei es doch grad der Aktivurlaub, der oin von de „Liegeschtuhl – Depressiona“ verschont. Frei von allem Schtress sei hoißt, endlich des doa des ma will und geara duat ohne drbei sich zum übernehma.

Während dia oine auf de Berg rum kraxlad sich auf de Alma austobad oder gar in de Klöschter sich meditierend Erholung verschrprechad, hockad andre mal schnell in da Fliager nei und düsad zum anda Ende der Welt. Und wenn se alle wieder dahoi sind, dann berichtad jeder von ra rund um zufriedena Erholung.

Urlaub ohne Schtress, des schaff ich glatt ohne jeden Psychologa. Dau han ich glatt gar koi Problem. Denn Urlaub fer mi isch myheimat, dr’vo zum schreiba, berichta, sia en a scheanes Licht schtella und bringa. Urlaub und myheimat isch Erholung, und des ka überall sei, ob auf dr Terrasse oder auf Mallorca bei Ballermann und Co. An scheana Himml, a ruhiges Plätzle zum schreiba und myheimat, was braucht dr Mensch meahr?????