Oh Frau Merkel, wo führsch Du uns na........?

Voller Euphorie wird über dean Aufschwung und die Kaufluscht im Moment berichtad. Was uns doch dia WM Geld bracht hat, überall wird nur positiv berichtad. Häuser werrad baut, renoviert, Autos werrad kauft, Möbel und alles was ma halt so in de nächschte Jauhr sich ang’schafft hätt, es wird heit scho investiert. A jeder denkt mit, guckt nach vorne, sieht ebbes was wohl von de Regierende net g’seah wird. Oder wollad se’s net seah?

A uralte Weisheit und tausend mal beschriebe, wo nix isch ka ma nix erwarta. Heit in a Wirtschaft zum Essa ganga, ma zieaht dean Euro – Schein raus, dean ma früher als DM zoga hätt. Dia Preise von de Auto, hat ma dia Modelle net zum selba DM – Preis kriagt? An dr Kasse beim Einzelhandel oder im Supermarkt, zahlt ma für des gleiche Einkaufsvolumen net des gleiche wia anno 2000, wo es no DM warrad? Doch wia sind dia Zahla auf em Gehalts – und Lohnzettel? Genau die Hälfte von dene wia se zu DM – Zeita warrad! Und soll mit deane Euro - Zahla jetzt dr selbe Kaufrausch entschtanda? Ka doch gar net funktioniera!

Im kommenda Jahr wird es no schlimmer! Merkel und Co sorgad für no weniger Kaufkraft. Zwar werrad mit Sicherheit Diäta nauf ganga, doch bewirka wird des an dr Wirtschaft nix. Es gibt g’nua andre Länder dia es vor machad wia so a Wirtschaft ankurbelt wird, aber von de andre übernimmt ma ja leider immer nur des NEGATIVE! Wia weit muass no alles da Bach nunter ganga, ohne jammern zum wolla, dass dia dau oba in Berlin aufwacha deant? Wia groaß muass dia Kluft zwischa Arm und Reich no werra das dia ihre Fehler einseahad?