Nau muasch en’s Krumbad gau
Lang wird's nimmer dauern, nau sind mir a Kneippkurort. denn oins muass ma scho saga, unser Krumbad, des liegt idyllisch schea, duat's au umsonscht nix gea, aber ma braucht net weit fahra, ka sogar z'Fuaß na ganga und sich verwöhna lassa, und grad dia Wellness, des sei ja scho was b'sonders guat's.....grad für d'Fraua.........
Duat dir a amaul a bissle ebbes fehla,
ja hasch em Kreiz und sonscht irgendwo.
Duat di a Wehwehle a wenga qäla,
des koim wünscha dätsch a so.
Nau muasch es’s Krumbad gau,
dau duat ma was verschtau,
dau richt ma di glei wieder richtig her.
Em Krumbad isch ma guat,
gang na und han dean Muat,
und wenn da raus kommsch bisch schtark wia a Bär.
Wia viele duat heit scho des Alter plauga,
a jeda Falt im G’sicht duat weah.
Dr’bei duat a Wellness ganz guat tauga,
bei a paar Fraua hau i’s scho g’seah.
Des geit’s em Krumbad duß,
des isch frei gar koi Schtuß,
ma schenkt des heit au geara seiner Frau.
Im Krumbad kriasch an Schwung,
ja wirsch fascht wieder jung,
schenk deiner Frau a Wellness doch glei dau.
www.krumbad.de
Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.