Hurra, bald sind Ferien.....

Ma braucht eigentlich gar net in da Kalender gucka, ma muass bloß an de Tankschtella vorbeifahra und scho sieht ma, aha, es wird mit ma schtarka Andrang g’rechnad. Net dass jetzt dau meah Personal hinter dr Theke schtad, net das des Angebot jetzt erweitert worra isch, net dass ma jetzt no freundlicher isch als vorher scho.

Wia es halt überall so dr Fall isch, d’Nachfrage reglad da Preis, und wenn dia hoch isch, oder hoch sei wird, dann muass ma natürlich glei ebbes dr’für doa und so könnt ma a bissle meahr verdiena. I ka mir jetzt net vorschtella dass dia des Benzin und dean Diesl teurer eikauft hand wia voar zwoi Wocha no. I glaub au net dass der Treibschtoff allgemein so teurer g’worda isch, denn wenn ma in de Nachbarländer guckt, dau koscht der um a vielfaches weaniger wia bei uns.

Aber damit des G’schäft, dass oiner auf dia Idee kommt, scho a paar Tag voar dr Reise volltanka duat, in andre Bundesländer scho Ferien sind, na dau duat ma doch glei da Ferienpreis na und scho isch ma auf dr sichra Seita. Aber was dädat jetzt dia wenn dau koiner zum tanka nafahra dät? Was dädat dia wenn koiner em Urlaub sei Auto rausnemma dät? Des Wetter soll es ja mal wieder hergeaba daoim Urlaub zum macha, warum also deana alles in da Kraga schtecka????