Da lacht den Bayern-Seppen’s Herz. Josefitag! Neunzehnter März!
- Die heilige Familie
- hochgeladen von Christl Fischer
Da lacht den Bayern-Seppen’s Herz.
Josefitag! Neunzehnter März!
Da treffa sich scho seit Jahrzehnten,
de Sepperl von herent und drenten,
zu lang ersehnten Starkbiermaßen,
de s‘ mit Genuss durch d‘ Gurgel lassen.
Da wird‘s am jeden so recht klar,
wia schö amoi Josefi war.
A Feiertag war s‘ in ganz Bayern,
landauf, landab war ma beim Feiern.
Zig-tausen Josef hat ‘ s no gebn,
und grad so vui Sefferl danebn.
Ja, fast aus jedem zwoaten Haus
Warn a paar gstandne Seppen raus.
Oa Hochlebn war ‚s auf d‘ Finerl, Pepperl,
auf Beppi, Seffi. Sepp und Sepperl.
Doch heit! Es is a wahre Schand!
Fast koane Sepperl mehr im Land!
Drum gibt’s bloß oans, dass ‚s wird wia ‘s war:
Ös Eltern seids eich drüber klar:
Taufts Kinder Josef, wia s’es ghört,
und Josefin‘ , ‚s is net verkehrt.
Dann mach ma an Josefitag
Bei uns wieder zum Feiertag
(Josef Steidle)
Bürgerreporter:in:Christl Fischer aus Friedberg |
7 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.