Wanderschaft
- Wanderschaft
- hochgeladen von Dieter Elmer
Mundart..... nicht original Mittelschwäbisch aber wia ma en Bobinga schwätzt.
Vielleicht verstohts Oinr.
Sellmols wars, denk doch mol zruck,
so lang isch dees scho her,
vom Leaba isch´s a ganz kloins Stuck,
doch´s Herzle machts oim schwer.
Weil all´s so schnell verganga isch,
dia Zeit kahsch it aufhalta,
doch isch Erinnerung no frisch,
trotz Deine dausat Falta.
Schea wars als ma no sorgafrei,
nix gwußt von all deam Leaba
jetzt packt ma di end Gruab bald nei,
Zeit, kaa Dir koiner geaba.
Was all´s em Leba, hott ma gmacht,
ma isch gewandert ohne Rascht
stets hott dr Herrgott auf Oin gwacht,
weil auf dr Eard isch ma nur Gascht.
Ganz geara mächt ma wiedr zruck,
auf d´ Wanderschaft vom Leaba,
doch glob mir au dees letschte Stuck,
ka no viel Scheans oim geaba.
© Dieter Elmer
Bürgerreporter:in:Dieter Elmer aus Bobingen |
3 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.