Oschtroir

Bürgerreporter:in

Autor: Dieter Elmer

aus Bobingen

Dia Arbat von am Oschtrhas, mächat i net hau. Da dees Oschtroirlega saumäßig schwer isch.
Ond was rauskommt isch oh net dees was sei sollt.

Oschtroir

Oschtrhäsle, Oschtrhäsle,
hockt alloi em greana Gräsle.
Frogt se, wia kah´s so ebb´s geba,
zum Oschtrfescht soll´sch Oir lega?

Farbig bunt so soll´n se sei,
dia ma legt en`s Neschtle nei.
Jedoch was kommt do henta raus,
schaut net wia Oschtroir aus.

Weil´s braun isch moint des Häsle grad,
dia Bobbala sen aus Schocklad.
Doch leider isch dees gar nix Siaß,
was do flaggt en dera Wies.

Dia Oiarla senn viel zu kloi,
dees miaß´n Hasabolla sei.
Dem Häsle sen dia Sorga schwer,
wo griag´t ma Oschtroir her?

Grad eba fällt dem Häsle ei,
i schau en Hennastall mol nei.
Welch a´ Freid der Oirfund,
jedoch dia Oir sen net bunt.

Ond des Häsle nemme froh,
weil die Oir sen halt roh.
Deshalb gibt’s zur Oschtrfei´r,
vom Supermarkt dia Oschtroir.

Bürgerreporter:in: