Zom Erntedank
- hochgeladen von Dieter Elmer
Dem liaba Gott sei herzlich Dank
Reich gefüllt der Voratsschrank
Genügend Früchte in dr Speis
Geerntet mit Geduld und Fleiß
Von Straichr, Baim ond aus dr Erd
Dass neamols Hungr komma weard
All dia Frucht dia Gott ons gschenkt
Zom Dank drfiar mei Haupt gesenkt
Weil mir dees wohl grad guad ahsteht
Dia Händ jetzt falta zom Gebet
Denn dr Tisch isch reich gedeckt
Fiar alles was am Gauma schmeckt
Onsre Teller reich gefüllt
Dass dr Hungr stets gestillt
So Manchr deet drfiar ebbs geaba
Fiar so an reicha Ernteseaga
I bitt recht innigscht liabr Gott
Dass Jedr gnua zom Essa hot
Ond dass dia Reiche bald vrstand
Dass se von Allem zu viel hand
Dass se de Arme ebbs abgeaba
Damit dia oh vernünftig leaba
Drom danken mir fiars täglich Brot
Ond bitten onsrn liaba Gott
Das er auch lindert all dia Not
Bei Dene wos recht dreckat goht
Ein Dank fiar all dia reichen Gaben
Dia wir von Gott erhalten haben.
Ond hoffn das es wiedr werde
Reich dia Ernt aus Gottes Erde
© Dieter Elmer 9/ 2020
Ein sehr schönes Gebet zum Erntedank, lieber Dieter.
!
Auch der Kommentar von Luis Walter gefällt mir gut!
Und zum Glück versteh i alles, bin ja a Einhoimische!
LG Sabine