Bürgrreporter fiar a Woch

An Juchtzr dua i frei mi doch,
war Bürgrreportr d` vorig Woch.
Earscht hait am Mondag honn i´s gspannt,
ja Menschenskend ben i bekannt.
Jetzt kehr i au zur Hautevolee,
bei “mei hoimat „ Punkt de.
Au wenn mr dees glei gar nex brengt,
so an Titl griagt mag g´schenkt.
I hoff dass dees dr Bohlen heart,
ond dass ein Star aus mir bald weard.
Em Vornama sen mir scho gleich,
doch blos, dr Dieter B. isch reich.
Sei frecha Gosch brengt massig s´ Geld,
weil´s heant ond vorn am Ahstand fealt.
Drom weard i auf „mei hoimat“ bleiba,
ond do so manchan Bleadsenn schreiba.
„Vergellts Gott“ sag i fiar die Ehr,
jetzt muaß dr nägschte Titl her.

© Dieter Elmer