Heimatbilder mit Mundart
- Fichte mit reichlich Zapfen.
- hochgeladen von Heidi K.
-Herbsthoamat-
Vor mia breit’ se a Landschaft aus
an Buiderbiachal gleich,
weit drunt’ im Dorf, dees oide Haus,
war lang mei’ Himmelreich.
De ledsch’d’n Ros’n san vabliad
in mia a scheena Draam –
a oanzig’s Vogerl singt no liab,
im oid’n Apfebaam.
Schwarz-weiße Woik’n fliang vorbei,
wia Schifferl auf’m See
und in da Nos’n riach’ i scho
an Winta und an Schnee.
A koida Ostwind bloost se auf,
treibt Blattl’n vor se her.
Weit droom am Berg, glei’ bei da Kirch’,
bleibt’s Aussichtsbankerl leer.
I soogs eich Leit‘, kon’s soim need glaam,
da Somma is vorbei!
Es koo need oiwei Somma sei,
da Winta druckt gaach rei’!
A’ frecha kloana Sonnastrahl
valafft se in mei Herz.
Iazt san’s beinand -
hob‘ gor koa Wahl,
de Freid’ und a da Schmerz!
© Fotos u.Verse Heidi K. 21.11.2012
- Hütte am Weg.
- hochgeladen von Heidi K.
- Bild
2 / 8
Ein schönes Gedicht, Heidi.....beim Lesen hat sich bei mir auch sogleich ein frecher kleiner Sonnenstrahl ins Herz verlaufen... ;))