Das Lied der Zwetschgenleut

*
Das Lied der Zwetschgenleut
*
Es woar amol a Zwetschgamoh,
der hout a kullschwarz Fräckla oh;
am Kupf hockt a Zyklinderhout,
wäi gout der Hout ihm pass´n tout.
*
Es woar amol a Zwetschgafrau,
däi hout a Röckla gräi und blau;
as Glanzpapier trägt's Herzala,
a lilagoldigs Scherzala.
*
Es woar amol Zwetschgakind,
su drolli, wäi mers nimmer findt;
dös schleppt a Bicherränzala,
und tanzt derzou a Tänzala.
*
Es woar amol drei Zwetschgaleit,
su schäi woarn däi, däs woar a Fraid;
etz senn verschwundn Kind, Frah und Moh,
wall i heint all drei gfressen ho.