Freitag der 13te
- Freitag der 13.
- hochgeladen von Luis Walter
Ein Rabenschwarzer Tag oder einer wie jeder andere auch, oder gar nicht daran gedacht beim Aufstehen????
Mancher denkt dra und mancher au net
Schteigt er an deam Tag aus em Bett.
Abergläubisch sieht ma was kommt
Und bei aller Vorsicht passierts au prompt.
Freitag dr 13. isch so a Ta
Dean ma gar net wirklich richtig ma.
Ma bildt sich wunder und was au ei
Was an deam Tag doch alles könnt sei.
Mancher denkt er bleibt im Bett
Nau hätt er dr’mit überhaupt koi g’frett.
Dr andre schießt sich gar net drum
Und hält des ganze bloß für recht dumm.
Schwarze Katza von Rechts oder Links?
Mit em Linka Fuaß aus em Bett au bringts
Unglück für dean Tag scho allemal,
Kommt dann drzua no die 13er Zahl?
A andrer wieder hält grad dia Zahl
Fer’s groaße Glück dann allemal.
Weil dia Zahl durch sei ganz Leaba zieaht
Er vor dem Freitag nau au gar net fliah.
Und doch isch’s a Tag wia jeder andre au,
d’Angscht voar was muass ma allwei hau.
Und au der oine Ta isch wia en siesch,
so wia an deam Ta halt au grad mal bisch.
6 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.