Denglisch isch heit modern........

Man ist früher mit mit so viel Deutschen Wörtern und Fachbegriffen immer ausgekommen. Doch wenn man heute nur in die Zeitung schaut, dann gibt es für jedes deutsche Wort einen englisch - amerikanischen Begriff dafür.
Um alle zu gebrauchen würde ich nur langweilen, doch ganz einfache und plausible Wörter soll das Gedicht wiedergeben........

Ja friaher en de Schuala
dau hat ma Schriftdeutsch g’lernt.
Doch von de Dialekte
hat sich koiner entfernt.
Des isch heit alles andersch,
ja ma schwätzt denglisch heit,
ond bloß der wo des heit beherrscht
isch bei dr Menschheit g’scheit.

Es gibt koin CD - Schpieler
weil der jetzt Player hoißt.
Au a elektrisch Orgl
als Keyboard längscht entgloist.
Ma gad heit au zum Shopping
und trifft sich nemme heit,
weil des isch nau a Dating,
so hoißt’s heit bei de Leit.

A Meeting isch a Treffa
wo ma was lerna duat,
So a Candlelight - Dinner
duat Seel und Maga guat.
Ma gad heit net en Kneipe,
ma gad heit auf an Drink,
und wenn i dua heit smoken
hoißt es halt das i schtink.

Heit gibts es nur Songwriter
was friaher Texschter g’wea,
ma duat au Songs heit singa
und koine Liader meah.
Ma duat au Trekking fahra,
des Fahrrad isch scho out,
so wed in alle Schprauche
des Denglisch all meah laut.

Ma schwätzt heit au vom Carport
a Kombi isch a Van,
und so a männlich’s Model
hoißt heit oifach Dressman.
ma braucht heit all dia Wörter
ohne dass ma was denkt
und so deam ganza Denglisch
no meah Beachtung schenkt.

So send mir weltweit schpitze
wenn’s gad um da Import,
mir importierad alles,
bis na zum letschta Wort.
Doch Gott sei Dank isch Schwäbisch
und mancher Dialekt
mit alle seine Wörter
no regional perfekt.......