Beobachtungen am Rande......

So ein Festzeltbesuch ist schon etwas schönes. Da sind die herrlichen hübschen jungen Bedienungen mit großen Oberweiten und strammen Waden die einem die Mass Bier an den Tisch bringen. Man sitzt und redet und singt zur Musik. Man trinkt noch eine Mass, weil die erste ja gar so gut war und der Nachbar auch noch eine bestellt. Die Zeit will nicht vergehen, der Abend ist herrlich und eine gewisse Schwüle bei fetziger Blasmusik macht nun mal auch die Lippen und die Gurgel trocken das man gerne eine dritte oder gar vierte oder fünfte Mass zu sich nimmt. Doch egal welche Blase man an diesem Abend dabei hat, irgendwann drückt sie, ob bei Männlein oder Weiblein, und dann möchte sie mal wieder entleert werden.............

Em Feschtzelt sitze isch doch schea,
zur Musik a guats Bier duats gea,
luschtig isch's und grad so nett,
wer denkt dau scho an a Bett.

Dia Maußa, ja dia laufad nei,
am Anfang merkt ma's no net glei,
doch wia es halt mal a so sei,
bald gad se los, dia schprengarei.

Ond dau dussa nau voar deam Zelt
trifft sich nau, mecht saa dia ganz Welt.
Wo jeder sei G'schäft macha duat
schwitzt mancher Wasser ond Bluat.

Net weil des G'schäft a so schwer gad,
voar dr Dier scho a Schlaue schtad
deane es ja a grad a so gad
ond Blaus an jeda schwitza lad.

Drei g'soffa und nau glei fünf g'soicht,
dr'mit's fer dia nächschte zwoi roicht,
dr'mit ma dean Gang net zu oft gad,
ma soscht ja koi Zeit zum drinka hat.

Doch der Ort soll au sauber sei,
ond des voar jeder Sauarei,
ja wer des all'z en Ordung brengt,
bei deam Druck dau doch koiner dra denkt.

Zwoi Fraua sitzad sauber dau
ond putzad von so mancher Sau
dean groaßa Dreck all meah sauber weg
dr'mit dr nächscht hat meah an saubra Fleck.

Dia Zwoi send de easchte ond gand
wenn alle liegad scho em Nachtg'wand
ond schnarrchad em Bett fleißg dau na,
wo dia zwoi no gar net denkad dau dra.

Doch es geit scho bei deane Leit
blede ond oine dia send no g'scheit.
De oine schprengad oifach vorbei,
de andre schmeißad a schea's Drenkgeld nei.

Ond weil dia Zwoi a jeder kennt,
koina von deane Zwoi s'Maul verbrennt,
aber dia Sach scho beim Nama nennt,
wenn sich grad mal wieder oiner ausschpennt.

Dia Zwoi send dia wichtigschte Leit
en dr ganza Feschtwochazeit,
wenn's au net a jeder kapiert,
so saa i des a mal ganz ungeniert......

Copyright by Luis Walter / 09.09.09