A lachende Merkel….

Laut Presse schafft es unsra Angela immer wieder ihre männliche Kollega um da Finger zum wickla und aus allem was se schaffa will a potitives Produkt rauszumbringa. Dia lachende Angela beim G – 8 Gipfel, jetzt beim EU – Gipfel. Allerdings schtellt sich scho au dia Fraug wann se denn überhaupt no Zeit hat im oigena Land wieder mal regiera zum wolla???

Während d’Angela in Brüssl g’sessa isch und mit de EU – Präsidenta g’flirtat hat, brennt’s wieder mal in dr großa Koalition im oigene Land. Ob sia mit ma Feuerlöscher bewaffnet z’ruck kommt und wieder mal mit Münterfering und Co. flirta duat?? Es hat dean Anschein dass se im Ausland und in dr EU besser verschtändlich reda ka als bei uns.

Jetzt hat unsra Angela also die ganz EU aus dr Krise befreit und auf an neua Weag braucht. Jetzt sollt ma au moina, des was jemand im groaßa schafft sollt doch m kloina a Winzigkeit sei. Aber vielelicht isch se jetzt durch dia ganze groaße Verhandlunga mit alle Größen der politischen Welt reifer und g’scheiter g’worda und mir kriagad a ganz nuia Angela z’rück???

Oins isch auf jeden Fall ganz g’weiß, ebbes eifalla lassa muass sie sich scho, dahoim in Deutschland. Während sich unsere hochkarätige Politiker jetzt Köpf eischlagad wia ma denn künftig da Bundespräsident wählt, Uneinigkeit herrscht mit dr Pflegeversicherung und man net woiß wo ma no überall abkassiera soll, während dia Agentur für Arbeit Milliardagewinne macht und net woiß wo na dr’mit.

Jetzt muass d’Angela mal wieder dahoim zoiga was Sache isch und was se g’lernt hat. Jetzt isch es wirklich fünf voar zwölf dahoim und langsam sollt se scho dra denke ihr oigenes Land aus dr Krise raus zum hola. Denn wenn dr Sprit bald auf 1,50 Euro nauf gad, 0,5 Prozentpunkte Pflegeversicherung, und wer woiß wann au d’Mehrwertschteuer wieder ang’hoba wird, dann kommad de oigene Bürger bald auf em Zahnfloisch dr’her und nau lacht dr Angela koiner meahr in G’sicht, „Guat g’macht Angela“!.....