Volksverräter schtatt Volksvertreter

Manchmal woiß ma net, isch’s zum lacha oder isch’s zum heila? Scho fünf Jauhr braucht unsra Regierung um a g’scheits Lebensmittlg’setz rauszumbringa und zum verabschieda. Nach deam jeder auf da Cent gucka muass kauft er natürlich billig ei. D’Metzger warrad mit ihrer guata War immer teurer, dr Bauer kriagt immer weaniger und mir fressad Gammlfleisch. Dr Schlappauf, oh Entschuldigung, Schnapauf hat alles im Griff, hat’s voar ma halba Jauhr g’hoißa. Wo kommt nau des Fleisch jetzt denn her? Hat ma des verschteckt g’hett? Oder hat ma gar g’schludrad?
Aber hand mir net Bürokratie abbaut?

Es wed ganz offa g’schwätzt auf em europäischa Markt: Dia guat Ware kommt überall na, die schlecht auf Deutschland rei! Dr Preispoker, aber merkad mir ebbes dr’vo das des billiger wär wia unser oigenes G’mias? Des schlechte wird billig einkauft und teuer verkauft. Mehr sind mir em Ausland nemme wert. Aber unser Geld, des will scho a jeder, dau hebad se alle d’Händ auf, des schtinkt ja net. Na ja, und wenn oim des Geld net g’heart, ma es halt bloß verwalta derf, nau ka ma scho Groaß doa und sich feira lau. Wenn d’Merkl net so schpendabl wäre, nau hätt se jetzt auch net dean Rang als gröschte Frau dr Welt. Weil so groaß isch se ja wirklich net. Und komischer Weise, wenn’s drum gad Gelder ins Ausland zum verschenka, dau send dia Entscheidunga recht schnell g’fällt.
Dau hat ma dia Bürokratie scho lang abbaut.

Ja, ja, mit Deutsche, mir land uns von unsre Volksverräter, oh, Entschuldigung, Vertreter ausnemma wia a Weihnachtsganz damit Frau Merkl und Co im Ausland mit unserm Geld glänza ka. Reforma muass ma schpüra, so sait dia gröschte Frau dr Welt. Doch des schpüra lau isch scho a bissle auf oi G’sellschaft beschränkt. I kann mir beim beschta Willa net vorschtelle das unsre Volksvertreter au ebbes schpürad. Vielleicht scho, ja, aber im positiva Sinne, denn wenn alles schteigt, nau schteigad au deane ihre Diäta mit. Und so schpürt wieder jeder ebbes von ra Reform. Und dia Erhöhung de Diäta wird schneller beschlossa als wia ob a Putzfrau eig’schtellt wird.

Und weil mir uns alle, wohl au no unsre Urenklkinder zwecks em zwoita Weltkriag schuldig fühla müssad, wahrscheinlich no zahlad dr’für wenn scho koiner meahr woiß fer was ma eigentlich zahlt, derfad mir au alle im Transitverkehr durchreisa lassa ohne ebbes dr’vo zum hau. Wenn scho dia Herra Abgeordnete dr’für send das ma deane Mautpreller freia Fahrt lassa soll, ka’s um uns net schlecht beschtellt sei. Ma ka fer alles a Ausred finda wo ma des Für und des Pro seha ka, ma muass em Kind bloß da rechta Nama geaba. Und wia mir ja alles wissad, au oder grad a Politiker hebt geara d’Hand auf wenn es dr Wirtschaft guat ganga soll. Ma will ja nix saga, aber au nix verschreia, dät ma aus dr Vergangenheit, dia sowohl Gegawart wia au Zukunft isch, net ebbes besser wissa.

Wenn ma alles en allem recht betrachtad, so leabad mir schon in ra kloina Diktatur. Dr Mensch hat eigentlich koin Schtellawert meahr. Da Soziala Mantl hat ma längst im Ausland hänga, d’Wirtschaft und Politiker bereichrad sich an uns, schmeißad 20 Milliona – Partys für auserwählte Gäschte. Hätt’s au fer da Bush net braucht, deam wirft ma eh scho gnua Geld in Racha. Apopo Bush, hat dr Ami scho mal für an Kriag biassa miassa? Fer sei unnötiga Menschaschlachterei wir der au no verehrt von unserer Regierung. Ja, unsre Politiker zahlad für ihra Macht, ihra Anseha, kassierad fer’s Nixdoa, und mir, mir warrad diktiert alles schea zum doa was ma von uns verlangt, und eigentlich derf ma net a mal s’Maul aufmacha.
Dau ka es koi Wunder sei das dia Linke und bald au wieder dia Braune a bissle meahr Schtimma kriagd wia uns guat dät. Bloß, voar ihrer Machtblindheit, a ganz schlimma Krankheit, kriagad se des in Berlin erscht mit wenn’s scho d’schpät isch. Aber vielleicht soll mer uns glücklich schätza, ma hat an deutsche Papscht und jetzt au no dia gröscht Frau dr Welt............
Sollt ma dau net geara 75 % vom Loah an unsern Schtaat abgeaba und schtolz sei von so ra Frau diktiert zum werra?????