Krumbachs Burges isch 60

Ma hat’s g’leasa, g’heart und g’seah,
an nuia sechzger duats en Krumbach gea:
dr Burges es ganz höchstpersönlich isch,
der wia Fuchzig wirkt, grad so frisch.

Wia’s es damals beim Winkler hat scho gea,
an Bürgermepfang, em Stadtsaal, wunderschea,
so hat au Rothermels Willi eig’lade g’hett
bei Würschtla und Supp als staatlichs Büfett.

Sechser hat er zwar nia so geara g’seah,
isch em andra Leaba Lehrer er mal g’wea,
so hat er jetzt selber oin ganz vorna dra,
i glaub, dass er es selber gar net glauba ka.

Fuaßball und Politik war all sei Element,
und wia des Fit hält, woiß jeder der eahn kennt.
Obwohl, em letschta Jauhr, dau war’s mend,
dau wär glatt manches a wenga no verrennt.

Dr Bieranschtich im Feschtzelt, welcher Graus,
dau hat ma g’moint jetzt wär’s bald aus,
isch umkippt, bewusstlos am Bühnaboda g’lea,
doch Gott sei Dank, merkt von deam heit nix meah.

Mit sechzga isch ma no lang net alt,
a bissale, a wenga älter vielleicht halt,
A G’sundheit und fer d’Schtadt a guata Hand,
des wünsch mer’m zum sechzger alle mitanand