Eten ute Dose

Eten ute Dose

Ach wat is dat for ne Schose, nur noch Eten ute Dose,
Arfschen, Wörteln, Stangenbohnen, - planten! –
dat sick nich mehr lohnen,
Porree, Blaumenkohl, Spinat, kofft man hüt’ in’n Suppermarkt,
deip efrorn, verpackt un lose, un innemaket inner Dose.

Haste mal Smacht up Kohlroladen, kanste dick ne Dose halen,
Swienebacke in Aspik, Presskoppsülte prall un dick,
Schinken, Sülte, Lebberwost, ut Dosen et nur weinig kost,
Buletten, Klopse watt famose, gift et hüte uter Dose.

Appel, Twetschenmaus un Beern, ute Dose, et ick geern,
Stickbeern, Kürbis un Melone, mit veel Zucker un uk ohne,
Annanas in Schieben, lütsche Plocken in Glykose,
Appelsinen ohne Kern, is allet lecker uter Dose.

Wutte „ein Pott in’n annern“, „quer durchen Garn“,
hille ne Dose köpen gahn,
brunen, roen, witten Kohl, ute Dose smeckt dat wohl,
witte Bohnen, Linsen suer, smeckt lecker ute Dose nur,
haste veel Kohldamp inner Hose, halste dick ne grote Dose.

Kaukenbacken is nich swoar, ute Dose kann dat ick sogar,
fix un fertig mit Kaukau, mot nur noch Mölk un Water tau,
ummereuern de Mixtose, as Backform nimste gliks de Dose,
dat is alles keine Schose,
wie ging’t üsch hüt’ woll ohne Dose???

Günther Jatzkowski, November 2008