So as de Een heeten deit, so sücht de Anner ut ...

Gruselkabinett

Käßmanns Twilling ...

As ikk in d’ Bladdje dat eerste Moal dit Minschke to sehn kreech, hevv ikk stuv dorcht: ‚Harrijeesesnää – hett Käßmanns Margot noch een neeäd Rebett dortokräägen …? Is see nu ok noch Europas Butenministerin?’

Dat hett denn wiers nich alltolaang brukt, bit mi upgoahn is, dat ikk een Verwesseln upsäten wee – vanwäägen dat hoast sülvige Utsehn van de beid Deerns.
In eens ünnerscheeden sükk de beiden denn doch: Dat hannöversch Wichtje hett sükk van ünnern noa boaben dörbieten mußt ... vanwägen hör Ehrgeizichkeit, an de see anners woll ovstikkt wee – de ingelsch Plumpuddingdeern is van Mannslüühannen (ov schull dor noch wat anners mitschoaben hemm’n?) in jeder enkelte Positschoon rintillt worden.
Margot Käßmann hett sükk denn mit hör besoapen Autofoahren sülvst een Been steält, un is doröver strumpelt.
Dat ingelsch Froominsch hett nu noch wat veel leegers doahn – see hett wat sächt. See hett to een Soak luut wat sächt, to de see bäter de Schnuut hollen har, wenn see denn niks anners särgen kunn. (Ov hett see villicht in Huus all een Burka un in d’ Taaschke de Koroan?)
Dor heeft een dördreiten isloamischen Potentoaten in de noordafrikoansche Drööchte sien Knüppel un droht de Schwiez mit een hilligen Kreech (wat de Keerl aal ümsetten kann, dat hett de Weltgemeenschkupp joa all dääch genooch to weeten kräägen) un de buterwendige EU Verträäderin weet dorup niks anners to särgen, as dat för disse Drohung Gaddafis woll een bietji de verkeerde Tied wee. Ikk kann disse Worden noch jümmers nich foaten, un meen, dat dit Froominsch doch bäter in hör ingelsch Köäken bleeven wee
Düütschland hett doch mit Schwesterwelle ok noa buten hen all genooch to verknusen – dor bruken wi doch föör de Europagemeenschkupp nich noch so een Bettbössel boaven up.

ee