Een Dokter - nich blods föör d' Liev ...

Georg Staudacher

In Esens dor givt dat een Dokter
de hett een itoaljeenschen Bruut
keen Padd is to schmoal
keen Schloot is to breet
wenn he mit hör ünnerwäängs is
bi Hitt ov in d’ Koal
he faalt ni nich up d’ Schnuut
un he word dat ümgoahn mit hör
ok woll nich leed
he hett wat tägen Lievpien
un ok tägen Laangwiel
kann Plattfooten heelen
kann d’ Äten indeelen
kann Böstwikkels moaken
un Hoostensaft koaken
kann Schullers inrenken
un Karbunkels upschnieden
he is as een Dokter ut ole Tieden
blods eens dat hett he bit nu noch nich kräägen
een Hilligenschien för över sien Bräägen

© ee