Schwäbisch g’schwätzt isch gar net schwer!

Schwäbisch g’schwätzt, so sagt man gern
Ist ne Sprache von nem andern Stern.
Und doch halt i mich daran fest,
Schwäbisch ist „the very Best“!

So hat des wohl dr Herrgot g’seah
Wia er uns dia Schprauch hat gea.
A scheana Schprauch für guate Leit
Hat sich bewährt sogar bis heit.

Guckad ma uns au mal recht dumm a
Was i au verschtanda ka,
Weil ma halt oft verwechslad wett
Weil ma württabergisch schätza dät.

Doch wenn’s a Hessamaid verschtad
Dia an Schwaubabua jetzt hat,
Wenn a Berliner woiß was i moi
Isch dia Welt doch no recht kloi.

Und schwätzt dia Amsl im a Schtrauch
Au ihra ganz und gar ganz oigna Schprauch,
So hear i des ganz fei doch raus,
Sia kommt beschtimmt aus ma Schwaubahaus.

Wenn ma s“Oacha“ au boirisch schwätzt
Verschtadt er Schwäbisch s guater letscht.
Au s’Neiburg dunt, am Doanaschtrand
Isch’s Schwäbisch allwei no bekannt.

Und lass uns naus gau und ganz na
In der ferne groaße Afrika,
so woiß ma au dau dunt ganz g’ieß
a Schwaub dahoim hat’s Paradies.

Doch manchmal macht’s mir Sorga au,
Wia lang werr mer denn des no hau?
Dr Raubbau heart au bei uns net auf
Und ma nimmt des all’z a mal in Kauf.