Mit Rauchverbot in Kneippen rauchen aufhören……

Es isch mit deam Raucha so an Zuig,
des isch grad wia a beasa Fluig
dia ma oifach net vertreiba ka.
Soo sait er zu oiner Frau
Und woiß au no ganz genau
Das er als Raucher kommt gar net a.

Sia aber woiß dau an guata Raut
Und der sei ihr sogar vertraut
Und das des a Alternativ au wär.
Des hat eahn ganz neigierig nau g’macht
Und sia, als Frau, hat hoimlich g’lacht
Und g’moint, des wär gar net schwer.

Er boahrad kräftig nauch
Und blaust nau dr’bei sein Rauch
Das er es jetzt scho wissa mecht.
Und wieder grinst dia Frau so in sich nei
Und schtrahlt mit ma hella Augasschei,
ja, des wär g’sund und au gar net schlecht.

Wenn du viel Küssa duasch
Nau net viel Raucha muasch
Weil dau fer’s Raucha bleibt koi Zeit.
Des isch g’sond ond kaloriaarm,
hält en dr Kälte oin au no warm
und macht boide a ganz groaßa Fraid.

Jetzt sei er doch scho älter und scho grau
Und des muass eahm jetzt sage no a Frau
Eahm scho leicht zum Bedenka geit.
Doch er geit ihr bloß no recht
Und moint des wär gar net schlecht,
fang mer dr’mit glei a no heit…….