Alles im Leben braucht seine Zeit.....

Ned selta hat ma scho mal denkt
dass oim des Leaba gar nix schenkt
weil grad eaba au nix passiert.
Ma macht sich scho schier in d’Hos
und denkt „was isch denn bloß los,
wed ma denn bloß no rasiert?“

Ma duat all’z um jeda Preis
und gad mit de Idee’n auf d’Reis’
damit grad jetzt ebbes g’schieht.
Letschten Endes bisch entäuscht
und mit dir selber glatt verwaist
weil’s a andrer anderscht sieht.

Und plötzlich, du denksch net dra,
verduasch koin Gedanka meah dra na
wo dir ebbes oifach zua fliah ka.
Was hasch fer des net all’z scho doa
und g’erntad ned da kloischta Loah
was plötzlich ganz alloinigs ma.

Und wia du nau a so au denksch
und an deam Gedanka grad so hängsch
wed dir des oine richtig klar:
Alles passiert wenn’s passiera soll.
ned wenn’s du grad findescht’s toll,
ganz oifach und ganz wunderbar.

Ohne Druck und mit viel Geduld
liegt all’z in des Schicksals Huld
und passiert oifach zur rechta Zeit,
wenn au no zweiflad dra so viele Leit.