A guat's nui`s Jauhr

A nuies Jauhr, es isch erwacht,
von heit auf moara, iber Nacht.
Was’s ons nuis bloß brenga ma,
oder knüpft ma’s oifach an’s Alte na?

A nuies Jauhr, ma gat en’s nei
Als ob alles gar net andersch sei,
ond doch des oine, andre anscherscht brengt.
ob ma wohl no de selbe Liader sengt?

A nuies Jauhr, a andra Zahl,
so wia’s scho war ja allemal.
Des Horoskop sait weis voaraus,
ob wohl von deam au wt was draus?

A nuies Jaur, wo sich was ändra duat,
d’Schteira nauf, em Schtaat duats guat.
Preise schteigat glei mit a,
ob sich des em Loah auswirka ka?

A nuies Jauhr, ma wenscht sich viel,
schteckt en des mal meah sei Ziel.
Besser soll’s em nuia sei,
so gat jeder en des nuie nei.

A nuies Jauhr, mir bleibat wia mer send,
a weng liaber, vielleicht, und doch, i fend,
zo deam nuia Jauhr mit deam Gruaß,
kommt alles so wia’ grad komma muaß.