Zwoi Klassa-Fuaßball in Ichahausa
Am letschta Sonntag, irgendwia auf dem Fuaßballplatz in Ichahausa g’landad, schpielt Wiesabach gega dia türkisch Mannschaft von Ichahausa. A Heimschpiel für letschtere und anscheinend derf ma so was net verliera. Doch i bin mir halbweags wia auf ma Schlachtfeld voarkomma und gar net in ma Deutschland. So wia es dau zua ganga isch, des hätt glatt a Länderschpiel sei könna.
Ob des ganze no ebbes mit Schport, mit G’winna und Verliera zum doa g’hett hat, dau bin i mir jetzt allerdings immer no im Zweifel. Au im Zweifl bin i mir ob ma dau überhaupt an Schiedsrichter braucht hätt. Denn so was von parteiisch wia der war, dau hätt der ja scho in dr erschta Halbzeit naus g’schtellt g’heart. Da Unmuat von de Wiesabacher Fans hat ma schpüra könna. Aber gang mal nei und sa dau ebbes, nau wirsch als Zuschauer glei entfernt, so gerecht gad’s dau nau scho wieder zua.
Und wenn de nau mal so rum fraug’sch, nau sait ma dir das es bei jedem Schpiel gega a türkischa Mannschafta so zua gad, weil halt a jeder Schieri voar de Türka Angscht hat wenn er net für sia sondern gerecht pfeift. Und weil ma g’seah hat, d’Wiesabacher Kicker hättad g’winna könna, nau geit’s halt mal schnell a Elfmeter gega dia, ob gerecht oder net. Und wenn sich nau dau a Wiesabacher no aufregt, berechtigter Weise, nau suacht ma ebbes und der hat au scho dia roat Kart, so g’schea. Und dia Fans, die sich au berechtigter Weise aufgregt hand, ja dia hand nau glatt no Glück g’hett, das net de oine handgreiflich worra send, sondern bloß beleidigend.
Es isch nau 3 : 1 für Türka naus ganga, Dank Schieri und Dank ma weitra Gemetzl auf em Fuaßballfeld. Es war herrlich zua zum gucka und au a Lehre, auf so a Schpiel leicht zu verzichta zum könna. Denn mit Schport hat so was nix meahr zum doa, und des Schlimme, ma guckad zua und findt des au no in Ordnung. Wia weit sind mir jetzt scho komma? I glaub, dau war mancher Zuschauer unparteiischer als der Schwarze auf em Schpielfeld. Des hat beschtimmt nix mit Rassismus zum doa, aber mit Gleichberechtigung und mit Schportlerehre, dia auf deam Schpielfeld auf oiner Seita und in dr Mitta aber gänzlich g’fehlt hat.