Wird des wieder Sommer oder was???
- Sonnenaufgang im September
- hochgeladen von Luis Walter
Ma hätt’s schier scho g’laubt
dass ma uns d’Sonn hat g’raubt.
Ja, ma hat g’moint es wär a so
dass se isch auf Urlaub irgendwo.
Ma hat sich scho dr’nauch g’richt
dass dr Winter scho bald in Sicht.
Ja, ehrlich, i han scho g’moint
dass der voar dr Haustür loint.
Doch plötzlich, dau war se meah dau,
sieht ma d’Sonn a Himml schtau.
I hätt’s kenna gar net saa
ob nomal kommt der oine Daa.
Glei 32 miss i an Grad
dia’s voar em Fenschter hat jetzt grad.
Dr Himmel schea und hellblau,
koi Neabl eisig und net grau.
Ma kennt moina dass’s glei Sommer wär
der z’ruck kommt von wo her.
Es isch duß oifach a Freid
da ganza langa Daa scho heit.
Doch wia lang hält’s wirklich a
und wia lang ka des g’nieaßa ka?
Nemm mer’s halt ganz oifach a
weil ma Gott sei Dank au nix ändra ka!
Hallo Luis,
Sonntag wird auch in Aichach wieder Sommer!
Liebe Grüße nach Krumbach!
Irene