Friedliches demonstrieren findet Gehör.
In Frankreich und andre Länder, wia ma en de Nachrichta sieht und heart, gad es ganz schea hoiß her mit de Demonstranta. Ka mi dra erinnra wia es Anfang dr 80er in Berlin war, am Kudamm, wo Autos in Flamma aufganga sind und wo Spräwäga der Polizei aufg’fahra sind um für Ruhe zum Sorga. Ka mi dra erinnra wia hoiß damals au dr Joschka Fischer, schpäterer Aussaminischter, kräftig mitg’mischt hat. Ka mi an dia Hausbesetzunga in Kreuzberg erinnra, dia net allawei freidlich von schtatta ganga sind.
Alle dia net ganz so friedliche Demos hand für kräftige Schlagzeila g’sorgad und a Menge Geld koscht. Net immer sind in de letzschte Jauhr Demos friedlich bei uns verlaufa, aber au net alle warrad gewalttätig. Doch ob se Gehör g’funda hand, des möcht i mal in boide Fälle bezweifla. Aber selbschtverschändlich sind ganz friedliche und ganz unscheinbare Demos beim regierenda Oberhaus lieaber zum seah, weil dia koin so an Wind veranschtaltat.
„Land uns no macha“ und „mir wissad scho was mer machad“ und „mir machad alles recht“ und „sind a wenga geduldig“ und „a jeder muass a kloines Opfer bringa“ sind so Schlagwörter dia immer wieder aus politischem Mund zum heara sind. Wörter, dia wia Schall und Rauch verweha deant und eigentlich nur des Volk ruhigstella sollad, net meah und net weaniger.
Eigentlich solltad alle unsere Bericht und Beiträg bei myheimat.de gehör finda, denn alles was mir schreibad sind ja friedliche Worte an dia Verantwortliche. Egal, ob jetzt dia Worte a dia Schtadväter, da Kreis, Bezirk, Land oder Schtaat gand, alles was mir von uns geand isch fer dia au bloß Schall und Rauch und eigentlich verschandad mir des ja so wie so net, weil mir ja net g’schtudiert send.
Am liabschta isch es deane Regierende dass mir oifach schtill halta deand und sia macha lassad. Mir sollad uns ganz friedlich zurück ziah, unsre Tascha aufmacha dass a jeder von deane nei langa und sich bediena ka. Dr’bei hoißt es doch no lang net, bloß weil oiner jetzt Politiker isch, dass der meahr von dr Politik verschtad wia oiner der bloß sich dr’über äussra duat, bloß sein Senf dr’zua gibt.
Oder lieg i dau jetzt total dr’neaba?????
Geld regiert die Welt
und jeder der keines vorzuweisen hast
hat auch am besten den Mund zu halten und alles das hinzunehmen was man ihm vorsetzt.
Arbeitgeber wollen es nicht zulassen dass Arbeitnehmen gegen Nulltarife und Hingerlöhne streiken,
und wehe dem, dann wird ihm dass bei Entlassungen sehr schnell zum Verhängnis....
Die Wirtschaftsbosse regieren die Politik, und ist diese nicht willig, dann verlege ich meinen Betrieb ins Ausland...
Und wenn man gegen irgendwelche unnützen Reformen die Hand hebt,
dann sind wir nach denen ihrer Meinung zu blöd um dies zu tun, denn wir begreifen ja nichts.....
Immer schön stille halten, immer schön artig sein, und wehe Du hebst die Hand gegen mich,
dann gibts Haue.....
Leider die bittere Wahrheit in einem ach so demkratischen deutschen Lande....