Ein gutes Neues Jahr

A nuies Jauhr, es isch erwacht,
von heit auf mogra, über Nacht.
Was’s ons bloß nuies brenga ma?
Oder knüpft ma’s oifach an’s Alte na?

A nuies Jauhr, ma gat en’s nei
Als ob alles gar net andersch sei,
ond doch des oine, des andre andres brengt,
ob ma wohl no de selbe Liader sengt?

A nuies Jauhr, a andra Zahl,
ja so wia’s scho war allemal.
Des Horoskop sait weis voaraus,
ob wohl von deam au wett was draus?

A nuies Jaur, wo sich was ändra duat,
d’Schteira nauf, em Schtaat duats guat.
Preise schteigat glei mit a,
ob sich des am Loah auswirka ka?

A nuies Jauhr, ma wenscht sich viel,
schteckt en des mal meah sei Ziel.
Besser soll’s em Nuia sei,
so gat jeder en des Nuie nei.

A nuies Jauhr, mir bleibat wia mer send,
a weng liaber, vielleicht, und doch, i fend,
zo deam nuia Jauhr mit deam Gruaß,
kommt alles so wia’ grad komma muaß

In diesem Sinne, allen Lesern, Freunden, Usern, meinen liebenswerten Kontakten und dem ganzen Team von myheimat.de
ein erfolgreiches, gesundes und vielversprechendes Jahr 2007, auch wenn es schon ein paar Tage alt ist...und macht alle weiter so.......

Euer
Luis Walter