Vereintes Europa ........

Dia Europäische Einheit und ihre Löcher. Alles soll nach deane von Brüssl einheitlich sei, alle sollad nach deaner ihre Pfeifa tanza. Länderübergreifend soll dia Wirtschaft betrieba warra, Länderübergreifend und Europaweit sollad Auschreibunga erfolga wenn se a beschtimmte Summe überschteigad. Einheilich soll Europaweit au dia Löhne sei, do was einheitlich isch, des isch dr Teuro!

Europäische Einheit? a einheitliche Norm gibt es ja net mal in Deutschland selber. Denn selbscht bei uns in dr Bundesrepublik, mit de neue Bundesländer no mehr, sind zwar dia Norma einheitlich, doch d’Richtlinien gand weit unsanander.
Wenn ma bloß ganz oifach mal des Feuerwehrwesen her nimmt. So geltad in Hessen ganz andere Gesetze wia in Bayern oder Brandenburg. Was in Hamburg zulässig isch wird in Sachsa oder Thüringa scho wieder verbota. Für a Fahrzeug, des in Badawürttaberg Zuschüsse gibt, des entschpricht net de bayerische Richtlinien und somit net Zuschußfähig.

Und wenn dann Länderübergreifende Hilfe g’leischtet werda soll, so isch des mit Frankreich gar net möglich wenn man net für dia Schläuch und Kupplunga dia entschprechende Zwischastück hat. Des gleich gilt für dia Ausbildung in Österreich, dia sich Bayern zwar angleicht, aber doch wieder andersch isch, grad so wia in jedem andra Bundesland. Und was hi und da Kommandant hoißt, des wird wo andersch als Wehrführer deklariert.

Weiter gad es mit Ladaöffnungszeita, mit Vorschrifta dia jeder Minischterpräsident selber feila ka wia er sia braucht. Und wenn i in Frankreich an Schtecker an’s Schtromnetz aschließa will, dann brauch i an Adapter, aber vielleicht lieg i dau jetzt au a bissle hinta dana.

Auf dr oina Seite soll ma dia schwache europäische Länder fordra und fördra in deam ma ihre Produkte abkauft, auf dr andra Seite hoiß es jetzt, zwecks dr zunehmenda Erderwärmung ma soll regionalbezoga Produklte kaufa. Und a Frau Merkl als Europaratsvorsitzende, sia flankiert geara unter dr Männerwelt und lasst sich so ablichta, reist in Europa umanander und macht sich für a vereintes Europa schtark.

A guata Fraug wäre jetzt, wer dia Reisa zahlt und finanziert? Reist dia auf deutsche Staatskoschta oder zahlt des ganz Europa. Und bisher hat Brüssl alles was mit em deutscha Schtaat zum doa g’hett hat, was bisher fer uns guat war, voar allem d’Landwirtschaft, zunichte g’macht. Ob sich des wohl au bald ändra wird????