Es weard a Zeit komma.....
- hochgeladen von Dieter Elmer
A´ Zeit weard komma ond a´ Zeit weard v´rgau,
ons sell nemme kenna ond koin mehr v´rstauh.
A´ jeder isch am andra fremd ond neamad kennt oin mehr,
dia Seeal weard kalt, jed´s Herz wia Stoi so schwer.
A´ Leaba ohne Zuversicht ond koi Barmherzigkeit,
blos no Verzweiflung, Kampf ond Streit, bis en Ewigkeit.
A´ Herzlosigkeit ond neamad der se om oin scheart,
weil ma blos no si sell, ond koin Andra mehr heart.
A´ Falschheit weard sei ond Ehrlichkeit fremd,
ond am Fremda seim Sach, bedient ma se ungehemmt.
Dia Zeit weard komma, ma muaß blos so weitrmacha,
no isch neamad mehr do, wer zu letscht kah no lacha.
© Dieter Elmer 02-10
Bürgerreporter:in:Dieter Elmer aus Bobingen |
9 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.